♪中提琴第一課+買了琴

我放學就去太子凱聲買了一部15吋琴, $1,300(琴,弓,松香,case), shoulder rest$260, spare strings 1 set $32, mute $40, 合共$1,632~
果度15吋琴, 最平$1,100, 我買的是第二平$1,300...有分別的,$1,300的上面d扭扭是啡色木造, 腮托是啡色木紋膠造; $1,100的扭扭同腮托都是黑色膠造~$1,300背板有d紋靚d~我試過就咁撥d strings, $1,300果個明顯聲音係好d~因為外形同聲音都好d只是貴$200, 就買了$1,300果部...我個琴得番一個, 我買了就out of stock~

今日中午上了第一堂, 有9女1男, 其中3人是舊生, 她們之前已學了一年, 是循環再報咁學落去的學生~今日主要試下各同學可以買咩琴size, 要唔要買肩托(我瘦, 一定要買, 仲要買個可以教得高身d既, 咁先夾到個琴, 老師話肩托可以買貴少少, 要舒服, 所以我都買左個成$260的), 買時有咩野注意~學左點唔用手拎, 就咁用下巴同膊頭夾穩個琴, 同埋用筆黎模擬弓咁學"手查"弓~咁今個星期就是練習夾琴同"手查"弓~放學時, 有一個舊生問老師點樣拉一d野, 老師用番學生果個只是千幾蚊的琴拉, 好好聽喎, 呢d野, 講實力既~